الى ملك القلوب خادم الحرمين الشريفين وملك المملكه العربيه السعوديه الملك عبدالله
بن عبد العزيز آل سعود حظه الله ورعاه :
انتخي ملك القلوب واتوسم بلحيته الغانمه العفو والصفح عن خالي المدعو احمد القدمان
المسجون بسجن تبوك شاكرين فضلك ودوام العافيه والصحه لك يا مليكنا وان شالله نتوسم بك وبلحيتك الغانمه
العفو عنو وان شالله تكون بميزان حسناتك:
وهذه ابيات مني اهداء لك يا مليك القلوب ابو متعب :
بدينا ابقول بسم الله مجريها ومرسيها =على كف الرحيم اللي بعدله دوم رسانا
سلامي للذي ننخاه في شده نقاسيها =معاها ماغفى هالبال لو لحظه تناسانا
سلام(ن) يا ملاذ الطيب سقم الحال تبريها =ابو متعب مليك الباس صقر البيد مذرانا
الينك من ملوك اجلال مسك القول يطريها =ابو متعب عظيم(ن) والعظيم الله مولانا
نخيتك والرجا ماخاب في ذمه هقاويها =رجيتك والحشا منصاب من هم(ن) تسقانا
على زبن الدخيل انتم كفو يا عز واليها =دخيلك ياعزيز القوم جد ابطيب مسعانا
ابو متعب كفو لا قال والكلمه يوفيها =اهز ابعبرتي فنجان عفوك كيف مشهانا
شفاعه للذي ماداس في جمره مواطيها =ابو مسعد عفيف الجال زين الخال ربانا
يعاني عتمه الاحزان في ظلم(ن) يقضيها =براه الذيب من يوسف سجين الجب شرقانا
آلا ياعين لا تبكي كفى لا عاد تعميها =برى حزني على الخيان مايوم(ن) تونانا
آلا من مستمع للصوت في بحه قوافيها =على وزن اللويحاني نبثه حر شكوانا
كلمات شاعره الباديه الاردنيه نوال الملاعبه
