تغير وقتنا عن وقت ضاري

كلمات الشاعرة الملتاعة

تـغـيـر وقـتـنــا عــــن وقــــت ضــــاري
عـمــارالارض بـالـعـشـب الـخـضــاري

رجــــالٍ نــارهــم وضـــــح الـنــهــاري
لـضـيـفٍ لافـــي الـخـطـوه نـصـاهـم

وجــــــوهٍ بـالـبـشـاشــه والــمــســره
ولافـــي نفـوسـهـم ادنـــى مـحــره

ولا حــــســـــدٍ ولاحـــــقـــــدٍ تـــــجـــــره
هــــــلا يـامـرحــبــا عــــــذبٍ نــبــاهـــم

يضـيـق الـصـدر مــن ضيـقـة خـويـه
وقـولــه لـيــت مـاهــو فـيــك فــيــه

جــفــى نــومــه ســـــويٍ بـالـسـويــه
ربــــاط الــــود مــوثـــوق بـوفــاهــم

تـكــاتــف بــالــخــوال وبـالـعـمـومــه
قــلـــوبٍ فـــــي مـحـبـتـهـا رحــومـــه

مـاهـو عـصـرٍ نـفـث فيـنـا سمـومـه
ضــروسٍ حقـدهـا مــوتٍ غـشـاهـم

لا اخــــت ولا اخــــو يــدمـــح اســيـــه
ولا بــنــاخـــي جــــوابــــه مــقـــدريـــه

خــصــومٍ كــــل واحــــد فــــي نـحـيــه
كـفــانــا الله مـــــن شـــــر ابـتــلاهــم

هـذاك ورعـي وهـذا قــال ورعــي
غضبهـم مالقـى فالصـدر وسعـي

مشاعبهم على اتفه شي صقعي
تقوم الارض وتقعـد مـن دهاهـم

قـطـاعـة وصــــل مـدتـهــا طـويـلــه
ســـــلام الله فـــــي ردوده بـخـيــلــه

نــفــوسٍ بـالـمــرض دايــــم عـلـيـلــه
رداة افـعـالـهــم مــــــدد جــفــاهــم

ولـى صدفـه تلاقـوا مــع بعضـهـم
فـي مجلـس واحــدٍ ربــي جمعـهـم

يبيـن الجـرح مــن اقـصـى وجعـهـم
شـمـت هــذا وذاك اصـبـح معـاهـم

ونــســأل لــيــه مـاتـمـطــر سـمــانــا
وقـلـيـل الـخـيـر فـــي راحـــة يــدانــا

واثــاري الـذنـب ذنــب الـلـي دمـانـا
ولا ذنــــــبٍ لـــنـــا يـــذكـــر مــعــاهــم

الا يالله يــامــنـــشـــي الــمــخــيــلــه
تعـيـن النـفـس فــي كـثـر وقلـيـلـه

وتحـمـي كــل مــن نـفـسـه دخـيـلـه
مـن شـرور البشـر واللـي طغاهـم

شعر/ الملتاعة_مكة