بقلم / الشاعرة الملتاعة
هذا النصيب اللي انكتب مختار
قلبه نصيبه واكثر الونه

حكم الذي له شأن بالاقدار
ولاله على القدره يردنه

يسوق دمعه حزة الاسحار
على وصالٍ كان له شنه

الله عليهم كثروا الاكدار
سرع المنايا جن يحدنه

حطوا عواقب للفراق وصار
وقضوا على روحٍ تحبنه

ضم الرسائل والصور تذكار
للغالي اللي يعتبر جنه

لا زاد يهناله ولا مسيار
غير شوفة اللي راغبٍ فنه

باقي على طيبٍ نبيل اسرار
في ضحك ومزوحٍ يسلنه

لامن فصالٍ ينتهي بأعذار
ولا من غثيثٍ خاينه ظنه

هذا وفا اللي في وفاه اصرار
معذور لوهو يزفر الونه