• ×

06:02 صباحًا , الأحد 12 صفر 1440 / 21 أكتوبر 2018

جديد المقالات

لعلني في مقدمة حديثي عن شموخ المملكة العربية...


جاء إنشاء وزارة للثقافة في المملكة وفصلها عن...


بواسطة : مرشود الرحيلي

مرشود الرحيلي وطنا دام عزك شامخ والدين سيرة...


بواسطة : محمد السنان

محمد السنان طوني ومدحت والطيب وكومار و و و...


ياليت شعري ليتني

زيادة حجم الخط مسح إنقاص حجم الخط
 الشاعر : فواز مريزيق
الشاعر : فواز مريزيق


على بحرك اللي تبي يازعيم
أبحرت والأمواج مثل الجبال

غرقت مراكبهم وراحت حطيم
وارسى يختك ولا عليها جدال

أطعمت من زندك فتيل العتيم
وتسارجت واقمر جبين الليال

ياليت شعري ليتني قبل أهيم
أفلحت بالفأل وتركت العقال

مالله خلقني للنّدامة نديم
ولا أرعنٍ يجبن نهار النزال

كنت أنظم من البرق عقدٍ عديم
وهبّت رياح وطاح واليوم حال

يومٍ نهاره لثّم الشمس غيم
والشمس حتى في حياها جمال

ياطول بال الحلم خلّك حليم
على الحليم اللي يبي طول بال

إن ضاق ماضيّق شمال النسيم
لابالله يضيّق نسيم الشمال

يالله يامحيي العظام الرميم
ياجامعٍ خلقك بيوم المآل

سبحانك أنت المستجيب الرحيم
وحدك عطاياك العطايا الجزال

جلّا جلالك يالإله العظيم
تبارك اسمك ياعزيز الجلال

الكل يفنى غير وجه الكريم
يبقى وغيره للفنى والزوال

يارب وأنت بكلّ خافي عليم
بنفوسنا حاجة وضيق وسؤال

يارب محتاجين وأنت الكريم
دعوة عليها يأمنون الرجال

أنعم على مساعد بدار النعيم
بين المروج ووارفات الظلال

وحرّم على وجهه عذاب الجحيم
في حقّ من سبّح بحمدك وقال

بلاإله إلا العزيز الحكيم
وصلّى على محمّد رسولك وآل

بواسطة : فواز مريزيق
 0  0  7947
التعليقات ( 0 )