مجارة لقصيدة صاحب السمو الملكي الامير خالد الفيصل سمو الشعر وعذوبة الاحساس (حكمة العود)
قصيدة / حكمة الستين الشاعرة / غزيل سعد ( الملتاعة)
من روائع خالد الفيصل عجاب
يوم قال سنين عمري وينها
(ليت عقل العود في سن الشباب
بحكمة الستين في عشرينها)
شدني فن الشعر عزفٍ وطاب
في معاني كالذهب تثمينها
من اميرٍ معتلي هامة سحاب
بالمقام وبالشعر ثنتينها
ساحر الاسماع لا حد الغياب
بالعذوبه اللي شرح تضمينها
مذهل اللي شعرها عشق الصعاب
عشقةٍ كل الفخر مسبينها
ورّد المضمون وابهربه صواب
في حوار النفس بينه وبينها
قصة اللي فكرته فيها انجذاب
من سمو الشعر في تدوينها
وجا له المردود من حمر الخضاب
من على استحيا خُطى مبدينها
متجه للشرق برّاح الهضاب
للخزامى اللي تباها زينها
عقل عودٍ في مجاراته مُهاب
ياعسى نلقى صدى تحسينها