• ×

04:58 صباحًا , الإثنين 13 صفر 1440 / 22 أكتوبر 2018

جديد المقالات

عبدالعزيز بن عبدالكريم المسعر العنزي الحمد...


لعلني في مقدمة حديثي عن شموخ المملكة العربية...


جاء إنشاء وزارة للثقافة في المملكة وفصلها عن...


بواسطة : مرشود الرحيلي

مرشود الرحيلي وطنا دام عزك شامخ والدين سيرة...


مجارة لقصيدة صاحب السمو الملكي الامير خالد الفيصل سمو الشعر وعذوبة الاحساس عقل العود

زيادة حجم الخط مسح إنقاص حجم الخط
قصيدة (حكمة العود) كلمات الشاعرة غزيل سعد - الملتاعه-
من روائع خالد الفيصل عجاب
يوم قال سنين عمري وينها

(ليت عقل العود في سن الشباب
بحكمة الستين في عشرينها)

شدني فن الشعر عزفٍ وطاب
في معاني كالذهب تثمينها

من اميرٍ معتلي هامة سحاب
بالمقام وبالشعر ثنتينها

ساحر الاسماع لا حد الغياب
بالعذوبه اللي شرح تضمينها

مذهل اللي شعرها عشق الصعاب
عشقةٍ كل الفخر مسبينها

ورّد المضمون وابهربه صواب
في حوار النفس بينه وبينها

قصة اللي فكرته فيها انجذاب
من سمو الشعر في تدوينها

ياسنام الشعر في شعرك ذهاب
شوف من هي حلقت في حينها

عمرك الستين مابه مايعاب
الشباب الروح في تكوينها

لو ميه عمرك محبينك رحاب
ماعطوك الا عمر عشرينها

جالك المردود من حمر الخضاب
من على استحيا خُطى مبدينها

متجه للشرق برّاح الهضاب
للخزامى اللي تباها زينها

عقل عودٍ في مجاراته مُهاب
ياعسى نلقى صدى تحسينها

 0  0  290
التعليقات ( 0 )