قصيدة السعودية - الشاعرة الملتاعة

اسم السعوديه علم من على نار
شموخ... عز... وهيبة... الله ... عليها

ارفع... بهامات الفخر سر... واجهار
دامك... سعودي اصل منها وفيها

من دار سلمان الحزم رأس الاصرار
مليكنا.... اللي... بالغلا... محتويها

رأس السياسي له حكم سيف بتار
محدٍ سبق في حنكته مستقيها

الله عطاه الملك خلاق الاقدار
وجاوب عطى منهو عطى مهتويها

صقرٍ ليا حام الفضا مرسل انذار
يبطي عدو المملكة مايجيها

ينوبهم موتٍ محتم بالاخطار
لا دقت طبول الوعد محتزيها

أرض السعوديه بنى حولها اسوار
يصعب على كائن يكون يأذيها

حنا لها جيشٍ من اكبار وصغار
نرخص لها روح الضنا نفتديها

علم قطر وايران لو صار ماصار
عزم السعودي بقدرة الله يحميها

نسل الصقر سلمان بالجو مغوار
واعي لصيدات الزمن محتريها

ولا كل صقارٍ خذا الاسم صقار
يبطي ينال المنزله يقتنيها

يكفي قليل العرف ينظر للافكار
اللي كما شمس الضحى معتليها

بانت شواهدها مشعات الانوار
نظرة تطور مابعد منتهيها