• ×

07:40 صباحًا , الثلاثاء 19 ذو الحجة 1440 / 20 أغسطس 2019

جديد المقالات

محمد العبدالله ضربت الأندية السعودية موعدا...


بواسطة : محمد القطامين

محمد القطامين قال الله تعالى " وَأَذِّن...


محمد العبدالله تخوض الأندية السعوديه...


محمد العبدالله مع اقتراب عودة المنافسات...


أشبه باحتضاره

زيادة حجم الخط مسح إنقاص حجم الخط
كم فقدتك بين صبري وانـهـيـاره
وكم ضربت اليد بالصخره غبينه

وكم يطول الليل مـا بـيـن نـهـاره
في ضلامن دامسن ضمّ السكينـه

اختنقت وكان في نفـسـي عـبـاره
من عتقتك وانتي بنفسي رهيـنـه

نال هذاك الشـجـر اكـبـر خـسـاره
كم كسرتي غصن بيدك تتلـفـيـنـه

تنزعين من الثرى اجمل خضاره
كم نهيت وقلت لك لا تـنـزعـيـنـه

ذا صفار الارض ما يعني بشـاره
واستمر الهجر وصلي تقطعـيـنـه


يوم هجرانك لي اعلن انـتـصـاره
انهزم وصلي مع الصدق وحنينه

كان حلمي من ينمي لك صـغـاره
ماتوا اصغاره وهو فارق عرينـه

غاب ماشوفه من اعلو الـمـنـاره
من بعيد اسمع صدى رجعة انينه

ما قدر يـصـمـد ولا يـاخـذ بـثـاره
راحلن والدرب عثـراتـه حـزيـنـه


يوم صار الوضع اشبه باحتضاره
بات كل الكون اضلم وسط عيـنـه

والندم ضعفه الـم يـوم اسـتـثـاره
والعتب في جوفه ايزاحم ونـيـنـه

وابتدى يحسب حسابه واقـتـداره
عزم انه يعتلي ضهـر الـسـفـيـنـه


ضاق كونه والقمر يصغر مـداره
واذرفت عينه من افراق المدينـه


حمل اهمومه كذا دون استشـاره
شالت امتونه همومه والخـزيـنـه

فـالـخـزيـنـه شـال تـذكــار لــداره
والغبينه ما بقى له مـن سـنـيـنـه

لا انكسر ظهره ولا غيّر مـسـاره
ضربةٍ ما تكـسـره قـالـوا تـعـيـنـه

حـالـف ٍ بالله ثـابــت فــي قــراره
ان يبعـثـر كـل حـلـم ٍ تـحـمـلـيـنـه

وان يكـون الـرد تـاره بـعـد تـاره
وان يوازي قصرك المعمور طينه

لا يغرك حـاضـره قـبـل انـهـمـاره
الردود العاتـيـه بـالـحـيـل شـيـنـه

حرب معنى لا سـلاح ولا شـراره
جيشها ساند جـروحٍ بـي دفـيـنـه

لن حلمي عايـشـن مـاهـو لـثـاره
عايش لتحقيق حلـم امـعـاتـبـيـنـه

شفت اصراره ينافـس لـلـصـداره
يوم ساء الوضع ما بينك وبـيـنـه

كان ذا حلمـي وذا كـان اخـتـيـاره
من شبيهه فالزمن ربـي يـعـيـنـه

التلاعب بالهوى ما هـو شـطـاره
افهمي هالشي دامـك تـجـهـلـيـنـه

الشاعر أحمد بن فهد


 0  0  5353
التعليقات ( 0 )

جميع الأوقات بتوقيت جرينتش +4 ساعات. الوقت الآن هو 07:40 صباحًا الثلاثاء 19 ذو الحجة 1440 / 20 أغسطس 2019.