يـابـوي عـبـدالله عسـانـي فـديــاك
مــن قـلـب شايـلـك حـنـان ومــوده

روضت قاف الشعر يظهـر مزايـاك
الـلــي وهـبــك الله جـــزره ومــــده

ياصقـر عالـي وجهتـنـا وصـايـاك
حــرن ولـــد حـــرن وكـــلٍ بـجــده

اكرمت شعب المملكة سيـف يمنـاك
ورفعـت مجـدك فـي مواقيـف عـده

ونادى القريب وقاصي الدار لاقاك
فـي نصـرك اللـي ماتـعـداك حــده

واخذت تبني عرش عزك مـن ابـاك
وتاخذ من اوقات الرخا وقت شـده

تعـدل وشـرع الله بالحـكـم مـبـداك
سيـف العدالـه منهـجـك ماتـصـده

كريم يمنى فـي عطايـاك واخطـاك
الخيـر وافـي فـي ظـهـوره وســده

نمشي معك ياسيدي حيث ممشاك
والعـلـم مــن رأســك ابــد مـانــرده

عزيـتـنـا رزيـتـنـا فـــي حـمـايــاك
نـرقـد بـامـان الله مــن غـيــر عـــده

سعودية الامجاد من صيت عليـاك
صيـتٍ بنيتـه مـن جبيـنـه لـخـده

كـلٍ طلـب فزعتـك مـنـوه وتـرجـاك
لانـك حكـيـم بنـظـرة العـيـن حــده

مايعتلـي قـولٍ علـى قـول شـرواك
مـن شامهـا للشـرق لحـدود جــده

جعـل المنـيـه والـصـوادف تـعـداك
والـشـر مــن دونــك يـعـود مـهــده

ويالله عسانـي بكـل مملـك فـديـاك
اقولـهـا مــن قـلـب صــادق بـــوده

[/poem]
غزيل سعد الملتاعة