مرثية بالوالد ابراهيم بنيه علي المشيطي الولدعي العنزي
سـافـر ابــوي برحلـتـه يــوم الاثنـيـن
برحـلـة طويـلـه لـيـن يــوم القـيـامـه
حجزه مؤكـد والسفـر يـوم عشريـن
شهر رمضان اللـي فريضـه صيامـه
مــن بـعـد ماصـلـوا جمـيـع المصلـيـن
الـظـهـر سـافــر راح مـــع الـسـلامــه
تـاريـخ هـجـري عــام واحــد وثـلاثـيـن
حـان الفـراق وقلبـي الحـزن ظـامـه
وبعـد السفـر ثـارة بصـدري براكـيـن
والحـزن شيـد وسـط قلـبـي خيـامـه
راح الفقيد اللي حياته على الزيـن
راعي المواقف والكرم والشهامه
معـشـي الضيـفـان لـوكــان بـالـديـن
وشـال المراجـل كلهـا فـي حـزامـه
ماهو من اللـي يرصـدون الملاييـن
المـجـد نـالـه واعتـلـى فــي سنـامـه
ولايحـب الكـذب والمنـطـق الشـيـن
وعـن الكـلام الشـيـن عـنـده كـرامـه
دايـم يوصينـي أحافـظ علـى الديـن
وعـــن خـــوة الـلــي مايـمـيـز كــلامــه
ويقـول لاتـخـاوي خـطـات البخيلـيـن
للـي عــن الـواجـب قلـيـل اهتمـامـه
ويـــا الله يـاقـبــل صــــلاة المـصـلـيـن
تـكـتـب لـــه الـجـنـه وتـرفــع مـقـامــه
في جنة الفردوس مع الشهيدين
ويبعث مع اللي اندفن في احرامه
وينبـت علـى قبـره زهـور وبساتيـن
ومن فوق قبره كل ساعـه غمامـه
ياسامعـيـن دعـوتــي قـولــوا امـيــن
عـــســـاه بـالـجــنــه تـــبــــرد عــظــامـــه
وصلـوا عـلـى محـمـد خـاتـم النبيـيـن
يقولـهـا الــي صـادقـا فــي كـلامــه
قصيدة رثاء في وفاة المغفور له بإذن الله الوالد/محفوظ المشيطي(ابو نايف) رحمه الله
لو ما الحدث ما جت بيوت القصيده
لو ما الحزن بيـت الشعـر مـا كتبنـاه
مـرحــوم يــــا شــيــخ عـلـيـنـا فـقـيــده
الشيخ ابـو نايـف راع الديـن والجـاه
لـعــل نـفـسـه عــنــد ربــــه شـهـيــده
يالله عسى في جنة الخلد ممسـاه
يالله يــــا عــالـــم خــوافـــي عـبــيــده
نـدعــوك يالمـعـبـود تـغـفـر خـطـايـاه
يالله فــي عطـفـك وعـفـوك تـزيـده
عـسـاه بالـفـردوس والخـلـد مـثــواه
يالله عـسـى روحــه بقـبـره سعـيـده
وندعو ولي الكون عفـوه وحسنـاه
وعـمـي ابــو نـايـف صـفـاتـه فـريــده
والله نـمــوت ونلـحـقـه مـــا نسـيـنـاه
حكم القدر مكتـوب ماهـي جديـده
وكـلــن يـحـصـل مـــا يــقــدم بـدنـيــاه
ونايف علـى نهجـه وعـادل عضيـده
ونواف بالوقفات والطيـب مسعـاه
وعـلـي شبـيـه ابــوه نـعــم الـولـيـده
والـوصـف وصـفـه والحـلايـا حـلايــاه
والله بـخـلـقــه فــاعـــل مـــــا يـــريـــده
ما ينهزع بيـت علـى السـاس مبنـاه
وصــــلاة ربــــي عــــد حــــرف نـعــيــده
عـلـى رســول ثـبـت الـديـن وارســاه
