بقلم / منصور بن مرضي العنزي

أنا الغريب بوسط ربعي والاصحاب
مصيبتي يأكبرهاا من مصيبه..

كني أسير وعايش بديره اغراب
وكل الأماكن في عيوني غريبه ..

ناديتهاا بالصوت والصوت ما جاب
الا صدى صوتي يعود يجيبه..

وانا بعد فرقاه طايش ومرتاب
ماني مصدق بس ربي حسيبه..

السالفه فيها سواليف وأسباب
واللي عرفها قال فعلا عجيبة ..

عايش ع ذكراك يا أعز الأحباب
وماغير نبض القلب تسمع نحيبه..

فتحت باب وسكرو كل الأبواب
وتغيرت كل الملامح كئيبه ..

يليت فيني شي واحد وينعاب
لأجل تهون المسأله والمصيبه ..

الله يسامحكم ترا توني شاب
صغير واستحمل هموم صعيبه..

قصيدتي فيها مشاريه وعتاب
وحق الصحيب انه يعاتب صحيبه ..

كتبتها ياناس والقلب منصاب
من شاعرن يحي الجروح العطيبه..

والقصد واضح دون تفسير الاعراب
متى على الله بس حظي يجيبه ..