ياخوي لاتذرف دموع احرقتني
قادر كريم الجود يبري صوابك

امسح من عيونك دموع اوجعتني
مقوى حبيب الروح شوف اكتئابك

ليت البلاوي بالصميم احتوتني
ولا جات لك زحفٍ على حد بابك

يامن بقالي من حياة اقهرتني
وزادت على اصرار القهر في عذابك

انا الكسيره من هموم ارهقتني
وكبر انكساري عاجزٍ باعتنابك

شفت التطرف من جموع اذهلتني
ماحزها ماحزني من ذهابك

فيك المواقف يا غلاي اقتلتني
مسترخصه في قومتك واحتسابك

مايردني ياكود لو كتفتني
عنك المنايا لو تكثر عتابك

ابغى اجتهد لو دنيتي لطمتني
وانت وانا بيدين ربٍ عطابك