صكوك الصدارة

صكوك الصدارة

سر يا قلم واكتب على طرق منصور
خل المحال الصعـب سـهـل الـعـبـاره

قـدر الـرجـال ولـو مـلايـيـن مـقـدور
حنا هل النخـوه شـمـوخ الـحـضـاره

غير الوفا مـا بـيـنـنـا صـار مـحـذور
والـشـامـخ الـفـنـان مـاشـي قـطــاره

واللي عناه الليـل والـوجـد وشْـعـور
يوصـف عـذابـه كـيـف بـط الـمـراره

يا ناس ما اعرف المزايين وصْقـور
حـتـى طـلـوع الـبـر نـاسـي مـســاره

أقـسـم أحـاول مـنـذ أيــام وشْــهــور
لكن بـلا اجـدا ويـش لـي فـي مـداره

يا صاحبي ما عاش بكّاش مـخـبـور
ما علمـوك الـنـاس عـنـدي شـطـاره

ترى الشعر من يوم ما صار مزرور
هــذا بــيــان الــقــلــب هــذا قـــراره

خذ اعترافي لو ابي صرت مشـهـور
حـتـى الإسـم تـقـراه عـنــد الاشــاره

لكن نجـوم الـكـون مـا تْـلـف وتْـدور
بعض البشر تملك صكوك الـصـداره

لا تحسب اني بالفكر صرت مغـرور
كود الـمـحـبـة مـا تـجـي بـالـعـسـاره

عايش على ما قالوا الحال ميـسـور
والبال صافي مـن رضـا يـا سـمـاره

لو كان قلبي من عنـا الـود مـقـهـور
لـو زاد بـيّ الـويـل واصـبـح عـواره

لو يدفعون المال ما ني بْ مـجـبـور
أمدح كبار النـاس وانـسـى صـغـاره

ماانسى أنا غالي ولـو كـان مـعـزور
بــالــمــال والــزادي أمــد الــزيــاره

هذي طبوعي للمواجـيـب وحْـضـور
القـلـب حـانـي مـا يـطـيـق الـحـقـاره

قدرك ترى بالقلب خالي مـن الـزور
والـدار دارك والــمــحــبــة خــفــاره

ان جيتني قلـت الـهـلا بـيـك والـنـور
وان رحت عني أشهد انْهـا خـسـاره

الشاعر سامي أحمد الدحيلان

جديد المقالات

مقال الطاقات المهدورة

مقال فوز التلاحم

قصيدة متخوفة بالحيل

بقيادة خادم الحرمين وولي عهده الأمين نقف..

مقال يا حول اللي ماله السعودية

اقسام الصحيفة