صوت وصدى

صوت وصدى

( صوت وصدى ) قصيدة يانوف للشاعرة رياح الوفاء ومجارتها من الشاعرة غزيل سعد الملتاعه

قصيدة يانوف كلمات الشاعرة رياح الوفاء

اخــفـــي جــروحـــي كــلــهــا رغــــــم الآلام
وضـحــك وانـــا يــانــوف نـفـســي حـزيـنــه

مـــا هـمـنـي يـــا خـيـتـي مــــوت الأحــــلام
مــيـــر الــبـــلا نـــــزف الــجـــروح الـدفـيــنــه

لا تـعـذلـيـن الـقــلــب والـقــلــب مـنــظــام
عــاش الـهـمـوم الـلــي تـغــرق سفـيـنـه

مـــرت عــلــي اعــــوام واعــــوام واعــــوام
وانــــــا لــهــمــي والـمــشــاكــل رهــيــنـــه

كـــنـــي انــــــا لـــوحــــة وقـــــــدام رســـــــام
حــــــــاول يــعــدلــهــا وتـــعـــبـــت يـــديـــنـــه

ويـوم ن تـعـب شخـبـط عليـهـا بـالأقـلام
وأخــفـــى مـلامـحــهــا بـقـبــضــة يـمـيــنــه

هـــذي حـيـاتــي كـلـهــا حــــزن واوهــــام
وهــــذا الـــــذي يــانـــوف مـــــا تـعـرفـيـنـه

حطـمـت فــي حــزن البـشـر كــل الأرقــام
والـلـي مـثـل حـالــي عـســى الله يعـيـنـه

وما يشكي المسلم على الناس مادام
الـــلـــي مـــقـــدر لــــــه يــشــوفــه بـعـيــنــه

يـــــارب زيـــــن مـــــا بـقــالــي مــــــن ايــــــام
يـــــا واحـــــدن يـســمــع نـــــدى سـائـلـيـنــه
————————————-

مجارة لقصيدة رياح الوفاء
ضـيــق الأيــام كلمات الشاعرة غـزيـل سـعـد (الـملتـاعـة)
ياريـاح لاتـشـكـيـن مـن ضـيـق الأيـام
قـومـي وكـفـي الٰدمـع لا تـذرفٰيــنــه

لو أن أعدّد لك جـروحـي والاسـقـام
عـديـت شـيٍ مـاسـبـق تـســمــعــيــنــه

من هول جـرحٍ بـالـسـراجـيـف مـانـام
لـو أشـرحـه مــاظــن عــرفــه تــبــيــنــه

ضيّق عـلـى روحـي عـذيـات الانـسـام
أخـذت مٰن مـقـسـوم وقـتـي غـبـيـنـه

لين أستويت أرضي ولاحال بي قٰام
مــاكــن مــن حــولــه أحــد نــاظــريــنــه

وأنا علـى مـانـي مـن الـوضـع مـادام
الـثـغـر بـاسـم والــشــقــا شــاربــيــنــه

الــــوقـــــت لـــــلاحـــــلام لازال هـــــدام
هــدام لابــعــد حــد لـــو تـــذكـــريـــنـــه

لــكــن بــعــيــدة يـــأس والـــرب عـــلام
ف كفاح نفـسٍ بـالـجـهٌـد قـاهـريـنـه

يــزيــن وأن مـــازان حـــظـــي ولاقـــام
بـكـون لاحـزانـي وهــمــي ســجــيــنــه

مـالـوم مـن مـثـلـك ولا مـثـلــي يــلام
لو شوف دمـعـك بـالـبـكـا تـحـرقـيـنـه