جيت لعسير ملبيّه بألف مبروك=أزفّ نجد لديرة المجد والجآه
ما نيب أول من عنّوا لك وهنّوك=لكن لقاكم .. كـّم لـي آتـحّـراه
والله لو أني أجيلك على الشوك=ما ردني عنك من الكايد .. أٌقساه
لبيّت دعوة من دعاني و لبّوك =نجدن على بـكـرة أبـيها تـحـّفّاه
سلام يا قافن مع الوّد مشروك= يفتّل وينقض والمعاني تـنّـقاه
سيف القصيد ومحفله لو تحدّوك=القاف وافي لشوطكم لو لعِبناه
وأن ششت يا رأسي فّخذ قافية أووك=والعب وميدان الحفل قد كسبناه
في ظّل منهو نسَل شجعان وملوك=أصغر شبل منهم تسرّك سواياه
ما أقول لك يا سيدي تِشبَه أبوك=الاّ أنت مالك في الرجاجيل آشباه
شافوك خالد في المراجل وحطوك=وخالد عسى في جنّة الخلد مثواه
والله يرحم من على العّز ربوك =صيته ذكِرها بيننا ما نسيناه
بنت الدوامر خـلـو الدم مسفوك =في كل هـيّه ينطح اللي تعاداه
عجمان رؤس وما تخالطهم وروك =والشعر فيهم ما وفى لو كتبناه
في كل مجلس لا حضروا فيه طروّك =فيصل عضيد ومحتزم في قراباه
ما يلحقك في فعلهم ريب وشكوك =العجمي اللي بالمواقيف تلقاه
شالوك من بين المحاني ورقوك =بعيونهم ما ودهم تجرحك آه
تستاهل الشيخه بلا ختِم وصكوك =تطلع سنود وعالي المجد ترقاه
يا ليتني رجلن يخاويك يآ خوك =ثم أنتخي بمعزْبي و أتنّصاه
فيصل عوين اللي من الشين مدكوك =تنضّح يمينه ما بخل في عطاياه
لو يذكر أسمك عند الأيتام حيوك=بأجمل تراحيب الولاء والمِحاباه
كانوا يتامى وبعد ما جيت عدوّك =أبوهم اللي عاشوا العمر بحِماه
حتى الأرامل عن فعْايلك زكوّك =لو يرتفع بشتك تناثر مزاياه
هذا أنت يا فيصل على السيف سموك =حاكم وقاضي يفصل الحق وعِداه
تدّك بجموعن من الخيل هابوك = (بأ سطبلن أحمر) نرتعب من مسماه
فارس وأسمك بالبطولات مشبوك = ( المغتره) تشهد على ما حكيناه
أهل الجنوب بعذرهم كان حبّوك =زبون كلن يعتزي به و ينخاه
جيت الجنوب وجادل الرأس مفكوك =يلفح على هبّ الهواء ويتغنّاه
يسوقني شوقن مع الطيب معبوك =بالعود الأزرق لأجل شخصك وشرواه
شرواك من هم لطويلات بدوك =هم محزمك لا ضاقت وقلت هيهاه
بنت الذي يملك حسابات وبنوك =لكن رصيده من فِعل طيب يمناه
بنت الشهم أخت الكرم راهي البوك =ما هو من اللي يحسب لدخل دنياه
مبروك فيك الشعر مليون مبروك =يا أمير تلبّسه القوافي وتزهاه
والله لو أني أجيلك على الشوك =ما ردني يا أمير دربن مشيناه