الصحوة اللي ماتميت الحي وان مات الضمير=يبقى لها صوت(ن) يلوج القلب من نجواتها

وان حادت آذان الاوادم عن مسامعها تدير=تلقى صداها يجذب الأنة على ميقاتها

وان داعبت صوت الحناجر تستغيث وتستثير=الطيب اللي يرتضيها ويشتري مرضاتها

المركب اللي مايوقفها حداها للمسير =تلقى الحظيظ اللي ركبها ساير(ن) موجاتها

وأنا جرفني مركب الاوهام للحد الخطير =لين استوى عندي حلال النفس من حرماتها

الدين له حقن عليها من غني ومن فقير=نطوي لحاف المعصية نكسر جدار انواتها

لو الكرامة تنشرى جبنا لها المال الوفير=نصعد على الشم الغضا ونويق من طلعاتها

يهيض من لجة خفوقي للقوافي خط سير=إما وصل لأهل البلد أو غادي ٍ بشتاتها

فيني ظما ومن الظما جفت لي حلوق الغدير=وصارت سنين المجدبة تجمع فتات إنباتها

كن السما تمطر من عيوني تناحيب الكسير=ويضمها كف الرحيم مقصر(ن) خطواتها

ياحلم إصحى من خيالي لاتعشمني كثير=خل الجفون الساهرة ترقد على جمراتها

استرسلي يامهجتي كل بيت وافر فيه خير=لابارك الله في بيوت (ن) نيدها عملاتها

لو كان مطعومي قليل وطار به منقار طير=يبقى على الله البشر أرزاقها وهباتها