هاتوا لي الكاغد مع الريشه بوسط المحبره =الشعر شعري والقوافي جت تسوق حشودها
يا مرحبا يا مرحبا بالموقف اللي مَـ اعبره=من صيت صنديد(ن) قصيدي صار هو مقصودها
ليث(ن) يسود ولا يساد وله شموخ وهزبره =منها السباع استسلمت بذيابها وفهودها
صقر العروبه خادم البيتين ريح العنبره=لا هفهفت مع مسكها اللي مختلط مع عودها
هو بحرنا العذب القراح اللي حشاه الغثبره =وفيضه غمر شعبه وكل الناس بل كبودها
وله مدة(ن) في يوم لو باريس وإلا ادنبره=تمدها في عام صار إفلاسها محصودها
أبو العزوم اللي يزوم إن جا لزوم وتـَـدبره =بالفعل قبل القول واحكام(ن) تقام حدودها
قايد أبِيّ ويعربي في مظهره في مخبره=وزيزوم زرفال الفزوع إليا زما بارودها
وطبيب به رحمه وكم كسر(ن) يمينه تجبره =وصارم ومنصف والصمايل به تصاغ بنودها
وللمرجله ياما اعجله وللحمل متنه مَـ اصبره=وعلى الشهامه والشيم ناشي وهو منشودها
ولا مَيل عقاله وسمّى واختطب من منبره =فـ كل السعد فاله والأمه بِشْـرت بسنودها
فطن وحكيم وله قياس(ن) يعجِز اللي يشبره=ويتـْعِب لبيبين العقول بما يفوق حدودها
ذخر العرب بالنايبات اللي العوارف تخبره =لا اشتدت الأزمه وجا من هو يحل عقودها
يا كثر فزعاته وحب النـــــاس له ياما أكبره=ميزان صعبات الصدوف الكايدات وطودها
والشور شوره والطريق اللي يسيره نعبره=وكل الولا له بالنفوس الصادقه بعهودها
هو درعنـــــا الضافي ومن ضَده فحنا مثبره=ودونه ليا حمي الوغا والنار هَشَّـْـم عودها
وندعي عسى الله يحفظه من شر وقته واغبره =ويطيل عمره للقلوب اللي سعى لسعودها
بأرض العرب وإلا العجم والفرس وإلا البربره=ونفسه من الحسنى نهار العرض رب تزودها
