على الألف أولف بخلي مولف=افرق به أقوام وأقوام أولف
اديب شعوا لين العظم واللف=الفه على حرف حرف أبجديه

على الألـــــف أولــف جِـــداد القـوافي=وأنا شاعـــــر ٍللــمــــلا والقـــوى في
حليم رحـــيم ٍمـــــع الخلــــق وافــــي=وذا طـــــبع مــــن عــــاد بقــعا صبيه
على البــــاء بديــــت بذكر من هداني=إلاهــــــي وأنا بالـــرخى مـــنه دانـــي
ولا اغـــتر لو مهـــــدي البــــل هداني=بوقـــت ٍتخلى خــــــــوي عن خـــــويه
على التا تـــوشحـــت ثوب ٍ زهـــــابي=ولو كـــــان مـــن بيـر زمـــزم زهابي
تحمـــــلت مــــن حـــربته غـــزها بي=لأجــل عـــــــين مــــن له حياتي هديه
على الثــــا ثمــــانه نجـــوم ٍ تـــــلا لا=ملـــكـــني وقلـــــبي خـــذاه إحتـــلالا
يقــــول آه لي وإن تبَـــيّـنـت لالـــــى=ولا يعـتـــرف بالخــــطا والخطـــــيه
على الجـــــيم جريـت قـــوس الربابه=بحــيه وعــيني لمــــن مــر بـــابــــه
وصـــــوتي جـــذب كل منهو ربابـه=ولا حـــن قلـــــب الحبــَــيــّب علــيه
على الحــــا حشـــى ماحـلــيّه بشاشه=وزود ٍعلى حسْـــــن وجــهــه بشاشه
بياضــه حـشى مايقـــارن بشــــــاشه=جبينه خــــــذا البــدر من ضي ضيه
على الخا خسرت أقرب الناس لَجْـله=ولا فــــادني صـــــوتي الي عرج له
أحــــبه كــــثرماصـعـــدت الدرج له=كما حــــــب قيـس لـْـــثرى العامريه
على الدال دونه سيــــــــوف ٍ رهافي=ونـار الغـــــــلا ياهــلي حــرهـــا في
كـــتــمـته ولا يكـــتم الســـــــر هافي=لو قـــــلــوب الأجـــواد ماهـــي خلي
على الــذال ذنــبي هــــويته وذنــبــه=جمــــال ٍتـــشـــوف العذارى هذن به
غـــدى الفرق لو حاولن وأحتـذن به=كما الفـــــرق مابين شمــــــس ٍ وفيه
على الـــــرا ربى بيــن بيشـه ورنيه=ولا حـــــس فيـنـــي ولا قـــــــدرنيه
ابي شوفــتــــه والضروف قهـــرنيه=ولـــــي نــيـــة ٍ باللــــقا وإلـــه نيـــه
على الزيـــن زيـــنه يفوق الوصوفي=لمحته وهــــو لابـــس ٍثوب صـــوفي
كـــمــا زاهـــــد ٍ مير ماهــو بصوفي=وله مشـــية ٍكـــنها الــــــراعـــــبـــيه
على الســـين ســـم الفـــــؤاد وجنابي=طــعـــن خافــقـــي بالقــنا والجــنابي
وأنا قـلـــت لولا عــــزيز الجــنـــابي=لـَــسَوّد نهـــــاره ســــــواد العــشــيه
على الشين شاب الشّــــعر من رحيله=رحـــــيله ذبحـــني ولا ضــــــر حيله
ولا في يـــــــديْ جـــــارع المر حيله=ســــوى الصبر والصــــبر مافيه زيه
على الصاد صابر وصابر وصـــبري=حـــشى ما تـَـحَمّلـْه صابر وصبـــري
يموت القصب كان ما جا القصب ري=وأنا مـــيــــت ٍقــــبـــل يــقسى عـــليه
على الضــاد ضامي ولاني بضـــامي=ضما شــــوف منهو يقص العضامي
يصـــير أشهب الال لامن رضا مي=وأزف البـــشــاير ســـريه ســــريه
على الطا طوى الحال طي الزوالي=وإذا قـلــت يازين روف إنـزوى لي
وهـــو يـدري إن السبب في زوالي=غــــيابــه وسـَـعْــدي يكون بمــجيه
على الظــاء ظلــيت أداري وأداري=وأســــوق الخـــطا بين داره وداري
وهـــــو داري وْكـــن ماهــوّ داري=يــــــرد التــــحـــيـــه علي بـــتحيه
على العــــيــن عِـــّده خذا لو طلبني=وأشـــيــــد له الصــــرح وآحط لبني
واببني واببني ولـــــو بطـــل أبـــني=وأعــيـّـد مــعـه قــبل عيـــد الضحيه
على الغــيـن غالي وياصعْــب نيلــه=وأحـــبـــه وكـــــم قـلــت ياحبني له
ولـــو كــنــت متـنــيــــل ٍلي بنيــــله=اســــوق الغـــــلا مثل سـوق المطيه
على الفا فـَـــَرقْ عن عشاشـيق جيـله=كمـــا فـــرق منهَــجــْـه عن منهجــيله
أجيـلــــه وأنا خـــايـــف ٍ يـــوم أجـيله=يمـــــوت الغـــــلا بيـــن حسنه وسيـه
على القـــاف قبل أعـــرفه كنت ناحي=وإذا نحــــت من ضيقـي الورق ناحي
رهـيـــف الحشــــا ميــت ٍبه وأنا حي=وهو غـــــالي ٍمثــــل هـــذي وذيــــه
على الكاف كنت أعشقه وأحسب إني=سبيـتـه وأثـــاري عيـــونه سبنـــي
رحـل صاحــبي راكب ٍجمس بني=ومن كــــثر ما حـبه أحببت حـــيه
على اللام لو كـــل هــــم خـــوافي=حشى ما تضـــايق وأبيح الخــوافي
ولا قـــول في يـــوم للــــدلخ وافـي=ولـــو زاد بالهــــرج بلعـــن ثـــويه
على المـــيم ما قــلـــت مالـه ومالي=ليا ضــــــامه الوقــت والحـظ مالي
أنا افـــــديه بأغـــــلا حــلالي ومالي=وأســــوي له الي عجــــز عنه أخيه
على النــــون ناديـــــت ياسامعيــني=لـــــي الله والله وحــــــده معــيــــني
أهل المـــــدامع ولا ألــــوم عيــــني=ليامن تـــــذكرت وصــــله وغـــــيه
على الها هــــويتـــه ولا ني بنـــــادم=كـــــثر مانـــــدم بالمـــحبــه بنـــــادم
وألا ياجمـــــاعه تـــــرى مابنـــا.. دم=لو نقــــول ما بالــــغضــــي جـــاذبيــه
على الــــواو ويلي ويا ويــــل حـــــالي=معه جالـــــس ٍميـــــر كــــني لحـــــالي
أقـــــول الجــــفـــا مـــر ويقـــول حالي=وأنا شفـــــت منه النجـــــوم ضحــــويه
على الــيا يقـــــــول الـــــذي لا بــــداله=بظـلـــــع ٍ كــــتب بالهــــوى ما بــــداله
قضــى العمـــــرسهـــران ماهـــو بداله=وهــــو يــــرجــــي الله رب البــــــريه