بقلم / ريم الغلا
الطبع بذره والغيوم التجارب
حصادها يبغى له شهور واعوام
وصكّات بقعا بحر والكفو قارب
تقول له قـدّام ويقول قــدّام
ولا يـفْـتل الاشوار فتل الشوارب
إلا صبيٍّ كفو شروى صبي يام
وانتَ يا مشعل لو تجف المشارب
كفوف من رآدوك ما ترجع حيام
صدرك لخلاّنك سهول ومضارب
وأنقى من مطوّع توّشح بالاحرام
تعطي ولا لك في العطايا مآرب
وما انتَ بحاجه للدّعايه والاعلام
اسمك لمع في شرقها والمغارب
وسرى مع الركبان في ديرة الشام