قومي ارقصي ياغناة الروح يايمه
بنتك عهد ناجحه جابت وثيقتها
انهيت علمي تخرج جهد مع همه
والفضل لله ثم لامي وهمتها
ماضاع صبر انتظارٍ شارف القمه
ولا خيبت ظن امالك وفرحتها
انتي النجاح الحقيقي ذمتي ذمه
ياتاج راس العهد يانور دنيتها
يكفيني انك معي بالحرص مهتمه
عينك شريكة سهر عيني وصحوتها
ابوس راسك وابوس الدمع واضمه
ياكبر حطي برضا روحك وضمتها
المجد مجدي ونا للمجد منظمه
هذه عهد بنتك اللي فيك هقوتها
العلم بحرٍ ونا باذن الولي ملمه
هذا التخرج عباره عن بدايتها
بغوص لاخر مدى بكفاح واتمه
وانتي معي ياسند روحي وعزوتها
ربي يحفظك لنا ياشمعتي يمه
ينقص بعمري ويزيدك عمر حزتها
كلمات الشاعرة الملتاعة
غزيل سعد