جيتي وروحـــك شينها فادح البـــين ..... جــيتـــي وانا اقــرب للـثـريا نقاها
جيتي وعلمــك ما حمل لي براهين ..... إلا نفـــاثــك للـســــموم وبــــلاها
جيتي وأنا في جيتك مرحب أهلين ..... مدري عن اللي فالنفوس وخـفاها
من علمـــك ســن الخناجر بلا دين ..... حـــتى تجيدي بالـطعــون ومــداها
لاتأمني الايام وأن طافـت أســنين ..... بتـرد لـك ديـن الاســى في جزاها
انا أحتسبت أجري على الله أجرين ..... ساعة نهيت النفس تكـثـر لــغاها
روحي فمان الله مع علمك الشين ..... يمكنـي انســى جيتك مع أسـاهـا