هذا حبيب الشعب هذا فقيده=هذا من اهتزت لموته ملايين
هذا الذي لجله دموعي جهيدة=ليت الاجل عنه تأخر لو سنين
الموت فاجعته سرت بي شديده=شلت قوام الجسم في لمحة العين
بين الكذب والصدق بين الاكيده=ساعة وقع شوفي على نقلة الشين
لكن تبين من رسائل عديده=ان موت عبدالله ثبت بالدواوين
ورفعت يديني لرب خالق عبيده=يلهمني السلوان والصبر ويعين
نفسن على فرقاه ناحت وحيده=لكن حكم الله نافذ وراضين
اغليه غلاة الاب حبن واريده=سبحان من حبه سقط بالشرايين
نبكيه لو ان البكا مايعيده=ونرثيه من وجد ومشاعر وفيين
لنه ابو متعب سماته فريده=اللي حصاده عم كل الميادين
مرحوم ياطيب الاصل والعقيده=في جنة الفردوس روض الرياحين
عسى عوضنا في اخوه وعضيده=سلمان ذخر الخير خيره بساتين