شعر/ سعد هليل
ياللي له التقدير في صدري ارتص
ما عاد افهم انت ناوي على ويش
باخذ حقوقي كامله منك واقتص
ومن بعدها افراق يردفه تطنيش
واضح معك ثابت وراسخ ولا افص
راكد اذا شفت المشاااعر بها طيش
اضحك معك والصدر اهمومه اتص
همشت لك بحضورك الهم تهميش
وقسمت لك قلبي وكلي من النص
غلطه وقلت اني بدونك فلا اعيش
حتى لقيت ان (الغلا) قاااام ينقص
وانا ازيدك حب وتقول ب شويش
واثري المشاااعر كل ابوها اتقلص
ماقد سالتك ليه وشلون او ليش
جيتك على وضح النقاء م اتملص
لا و الله الا جيتك انسان درويش