مجاراه لقصيدة الشاعر محمد الصواغ ياما عطينا
بقلم / الشاعره الملتاعه
مثلك عطينا والعطا من وفانا
ولا لقينا غير جحدٍ وتكذيب
ياما غفرنا لبعض منهو رمانا
بظلمٍ تقفانا هدفه التخاريب
نسعى مع المحتاج لامن نصانا
ونعين ونعاون بصدر التراحيب
غريب والا من قريبٍ دعانا
نقضي لزومه لو طريقه تصاعيب
الصدق مولود النوايا معانا
واسلوبنا راقي وكله تهاذيب
جرح القرايب لاتعمق وجانا
مانطالب ابحقٍ سعى للمناديب
رحم الصلة من شان ربي رضانا
وجروحنا تبرى بقول التحاسيب
والله مانسقي قريبٍ سقانا
كأس المنايا بالسيوف المحاديب
حنا تحملنا غثى من كوانا
ممن عرفنا ومن جهلنا محازيب
الشر ماهو سلمنا او ظمانا
لو ان فينا الغيض يسرى لواهيب
معروف من حنا وهذا كفانا
افعالنا تشهدلنا بالتراغيب
ماهمنا من حبنا او جفانا
او ذمّنا في شرح بعض المكاتيب
فينا كرم مع طيب يتعّب حكانا
لوينقله الرواي بقصد المخاطيب
ملعوب علينا لطيبنا اللي حدانا
لو مالقينا طيب لمقابل الطيب
والقصة اللي هي شبيهه لعنانا
سجّت بهاجوس القوافي مطاليب