كلمات الشاعر : احمد بن ادريس
في الطريق اللي يودّي للجنوب=للمظيلف من بعد دوقه طـــرى
ماشي الطبلون مبسوط وطروب=هزّني قدّام تايـر وإنهرى
موتري حوّص كما ثعبان دوب=مامعي خلّـن سوى رب البرى
والغـبار يـدور والـدنيـا غـــروب=لين صكّ بحيد وهو يرجع ورى
ياخسارة كابرس بعته لعوب=راسين في الخط موثوق الغرى
ياعلوم اللي غدى بآسه هبوب=موتر إهونداي من نوع انترى
المهم إنّـي عرفت أكبر عيوب=في المواتر لي تباع وتشترى
خذ لك أمريكي يذوّب مايذوب=عـزوتك لامــن تحــدّاك الثرى