يقول اللي من اهمومه رقى راس الطويل وصـاح=ولجلج مع صدى صوته حضاف الضلع واهضابه
يجاوب بالصدى صوتا تردد مـع صفـى واصـواح=عـلـي مــر الحقـايـق واقـعـي كـشـر عــن انيـابـه
اناظـر بالـدروب اسبـر واميـز وسطـهـا الاشـبـاح=لقيـت اسهـل طـريـق اصـعـب طريـقـا ينتهقـوابـه
وبغيت المركب المبحـر وغدربـي حضـرة المـلاح=وتجاهلـت الـهـدف بـعـد الامــل مامـاتـت اسبـابـه
رحـل نـور السفـر وابطـى ظـلام مـا وراه اصبـاح=اهـرب امـن القهـر والقـا الشقـا قدمـي بمصـلابـه
وقـعـت بـيـر والـلـي جــا يطلعـنـي عـلـيـه طـــاح=حـقـيـره يـالـيـالـي لاأدبــــرت بـالـلــي تـوطـابــه
علي ظهري عسرة ايدي ونخيـت وفزعتـي ذبـاح=وابـي فزعـة امجيـب ادعـاي كريـم مـا قفـل بابـه
بعين اعمى اخيل اخيـال واشـوف البـارق اللـواح=وعلي رجل الكسير امشي طريقي وانقض انشابه
تذريـت الجـمـر عــن حــر قيـضـا واهـجـه لـفـاح=واخــذت الثـلـج عــن بــردا قــوي ابـغـى اتدفـابـه
رقيـت اكـبـر جـبـل ادور الـراحـه عـشـان ارتــاح=جمعـت مـن التعـب كبـر الجبـل والهـيـن اسبـابـه
