شاعرات الجيل عذبات السجايا=فوق هام السحب بارقهن يلوح

حرفهن شعر ومشاعرهن سمايا=فطرة اللي علم الصنعه لنوح

الثقة بالمقدرة فيهن مزايا=ومن يقول غير الذي قلته شحوح

سحر بيان السحر انهار السقايا=يروي الضميان بالعذب الملوح

مايهز النقد مكنون الخفايا=قد ماهو نور للشهره وضوح

اكتبن ثم اكتبن ياذا الصبايا=وانثرن زهر الشعر عطرن يفوح

يا ذهب ماغشته كثر النوايا=صافيات العمق بأقلامن تبوح

اشعلن نار القصايد يالحلايا=واقهرن بالقاف صيحات الذبوح

دامكن بالطهر والعفه برايا=ﻻتلدن بالنظر لاخباث روح

الشعر ماهو احتكارن بالوصايا=وﻻ انولد فرضن مع العالم سبوح

الشعر ملكة من الخالق عطايا=تصقلنه بالتمارس والطموح

مافي مخلوقن خلق دون الخطايا=كلنا عرضة خطا وين السموح