يامشرق الشمس ِ قولي كيفها في الغياب
ياهل ترى صامده او هيْ تعاني الحنين
ياهل ترى مرّها طيفي وذكرى رباب
يوم انّها لي تغني وانطرب واستكين
جبلي خبرْ منـّها لو هيْ رسالة عتاب
تطفي بها حرّ شوقي بالفؤاد الحزين
من يوم ِ ما روّحتْ وانا أشقّ الثياب
حسره وحيرة قهر والهمّ فيّا دفين
مدري خطايا الوفى والا حظوظي سراب
والا مصيريْ الشقى ويّا دروب الأنين
دنيا عبوسه عليْ فيها هنايَ العذاب
كنّي معاها بحربن خاسره متـْعبين
كلْما عطتني أمل روّح بياسن وذاب
ماترحم اللي حياته قاسيه ما تلين
من مولده والعنا مكتوبِ له في كتاب
سطرن فرحْ والذي باقي بهمن مكين
حتى تناسى الفرحْ واسمه وباقيْ الصحاب
ماله رفيقن سوى دمعه وهمه معين
ياوقتِ قلي متى أفرح وعطني جواب
عمري سرى ما بقى ليّا عُمرْ أو سنين
يامشرق الشمس ِ كلمها كفانا غياب
عودي لخلك ترى بالهمّ عايش غبين
او احفري له مكان ٍ جنب ِ بيتك وباب
به يندفن ياغلا والباب ِ كنّه سجين
ياهل ترى صامده او هيْ تعاني الحنين
ياهل ترى مرّها طيفي وذكرى رباب
يوم انّها لي تغني وانطرب واستكين
جبلي خبرْ منـّها لو هيْ رسالة عتاب
تطفي بها حرّ شوقي بالفؤاد الحزين
من يوم ِ ما روّحتْ وانا أشقّ الثياب
حسره وحيرة قهر والهمّ فيّا دفين
مدري خطايا الوفى والا حظوظي سراب
والا مصيريْ الشقى ويّا دروب الأنين
دنيا عبوسه عليْ فيها هنايَ العذاب
كنّي معاها بحربن خاسره متـْعبين
كلْما عطتني أمل روّح بياسن وذاب
ماترحم اللي حياته قاسيه ما تلين
من مولده والعنا مكتوبِ له في كتاب
سطرن فرحْ والذي باقي بهمن مكين
حتى تناسى الفرحْ واسمه وباقيْ الصحاب
ماله رفيقن سوى دمعه وهمه معين
ياوقتِ قلي متى أفرح وعطني جواب
عمري سرى ما بقى ليّا عُمرْ أو سنين
يامشرق الشمس ِ كلمها كفانا غياب
عودي لخلك ترى بالهمّ عايش غبين
او احفري له مكان ٍ جنب ِ بيتك وباب
به يندفن ياغلا والباب ِ كنّه سجين