جار الزمن والحكم نفذ قراره=بالفندي اللي مرتكب فعل الاجرام

يالشمري ماذقت غير المراره=وعمرك قضيته وانت بالسجن منضام

تلعب بك الاقدار لعب السواره=ويسبق فرحها غم وافراج واعدام

طاحت عروشك عقب بيت الاماره=وانت حفيد امعشي الذيب درغام

طول المدى مشيه عطاك اعتذاره=وقف وكم قبلك خذا رأس مقدام

وانت البريء من كل ذنب وعياره=تشهد لك الافعال في كل الاقسام

لو ينسمع صوت الشجر والحجاره=متقدم السياف خطوه ولاقام

ولا قال انا مأمور فجمل عباره=ولا قلت له يشهد على الصدق علام

نهايتك ياكبرها من خساره=وماضمت الاوراق من فيض الاقلام

مرحوم ياساس الكرم وافتخاره=يالله عسى الفردوس لك مسك وختام