لمنتدى الوطن السعودي .. جادت قريحته تغزلا بجمالها

بمشاعر المتيم عشقا، أطل الشاعر ناصر الجميلي الحربي، بأبيات على منتدى الوطن السعودي، تناول فيها عشق الوطن والذود عنه بالنفس والولد ورخص كل غالي امام ثراها الطاهر، فإلى ما جادت قريحة الشاعر الحربي:

بلادي دونها دمي حشا والله ماتنظام
وترانا كلبونا جنود نحرسها ونحميها

ودون بلادنا ناقف بوجه المعتدين حزام
الا ياويل من فكر بيوم انه .. يعاديها

قيادتنا رشيده والشريعه منهج الإسلام
وتعاليم الشريعه آخذين أسمى معانيها

وعقيدتنا تراها ترفض التدمير والإجرام
ولاتقبل تطرّف .. وإنحراف عن مباديها

تسير ابنا قيادتنا على درب الهدى قدام
عن دروب الهدى والحق مابه شي يثنيها

تحت حكم الملك سلمان ذاك القائد المقدام
سليل المجد سلمان الحزم والدار حاميها

وحنا تحت امره كلنا مانقبل الأقسام
وله بأرقابنا بيعه .. وكل الشعب معطيها

ملكنا قائد الأمه .. بحزمه دانت الاخصام
وله في كل موقف كلمةٍ ماهو مثنيها

تحت ظله تلاحمنا وعشنا عيشة الأكرام
ملك كل القلوب .. وصارت تحبه ويغليها

وللنايب تحياتي عدد ماهبت الأنسام
تحيات الغلا والود .. والتقدير نهديها

ولي العهد عز وفخر نسل القايد الضرغام
وزيرٍ للدفاع .. ونار عدوانه مطفيها

يقود صقور عز وكل حرٍ يعجبك لاحام
مخالبها من كبود المعادي دوم تدميها

رجال نفتخر فيهم وتفخر امة الاسلام
على الموت الحمر اقدامهم تسبق خطاويها

ولا ننسى جهود المخلصين رجال الامن العام
وفيهم افتخر .. وارسل تحياتي واثنّيها

وحنا دايماً معهم .. ترانا واقفين حزام
ودون الدار نرخص دمنا من شان نحميها