أغيب عنكم والرجا في المقابيل=اللي تلم الشمل عقب انقطاعه
تعبت جفوني دمعها الحادر يسيل =وياقل عزمي عقب ذيك الشجاعه
أنا أشهد إنك يالجفا تقطع الحيل =وأنا اشهد إنك بخس وأشنع بضاعه
وأنا أشهد إن المتن يتعب من الشيل =خارت قواي وما بقى بي مناعه
يأهل الجفا ترى الليالي محابيل =والموت ماحدد للأعمار ساعه
يللي على حوض القطاعه مناهيل=وش فايدتكم من فراق الجماعه
والعاقل اللي يعرف العدل والميل=يعرض عن الدنيا ويطوي شراعه
قبل الرحيل وقبل حصد المحاصيل =مولاك طيعة قبل موتك وراعه
الموت ماخلاّ القروم الحلاحيل =ما واحد منهم وجد له شفاعة
ويا مبهر الدله ويا مكثر الهيل =قنّد بها رأس تزايد صداعه
ويامبهر الدله لا تكثر الهيل,,قند بها راسن تزايد صدااااعه,,,
وصح لساااانك رائعه ومبدعه