احتوتني ضيقة الجرح العميق=لين دمعي من وسط عيني همل
محرمين العين شوفة مايليق=لاقدرت انساه وقربه ماحصل
كل ماعيني مع الجهمه تفيق=اتندم ليه حظي ماعتدل
لا قريب ولا بعد مخرج طريق=اتبعه لاضاق صدري بالعجل
والحبيب اللي جعل دربي مضيق=ورد عشقي له من اسبابي ذبل
بالتغلي زود الجرح العميق=لين صدري ضاق الى حد الثمل
لدي ملاحظه بسيطه على شطر من قصيدة جميله للشاعره غدير المكي اتمنى ان تقبل بصدر رحب
وهي تقول (ورد عشقي له من اسبابي ذبل) من المتسبب بذبل ورد العشق؟
لو قلتي (ورد عشقي له من أسبابه ذبل )من وجهة نظري انها اجمل والدليل بالتغلي في البيت الأخير وتحياتي لك