يـمـه الآهــات لا جــت فــي بـدايـات الحـكـي=لا تلومـيـن الخـفـوق إن مــا لقـالـه غيـرهـا
يمـه الشكـوى مذلـة فــي عـيـون المشتـكـي=إن سلـم مـن شرهـا ماهـو محصـل خيـرهـا
أعبـر حــدود الـنـدم يالطـاهـره لــو مسلـكـي=ينشل أسـرار السنيـن الموحشـة مـن بيرهـا
واعتـرف لـك واعترافـي فـي ثنايـاه اشبكـي =دعوه أصدق مـن حروفـي لـو بـرع تعبيرهـا
الليـالـي تـشـرح أخـطــاء المـغـفـل والـذكــي=كلـهـم سـيّـان يـمــه، لـــو نـســوا تحـذيـرهـا
للمغفـل حصـه مـن معنـا الطـريـق التهلـكـي=وللذكي عشرة حصص بيد الزمن تحضيرهـا
غلـطـة الشـاطـر بعـشـرة واحفظيـهـا لابـنــكِ =ربـمــا الغـلـطـات تـحـيـي هـمـتــه وتـنـيـرهـا
أسرف ابنك ما طغـى وانتـي حكيمـة تدركـي=خـفـة الاخـطـاء لــو بتـقـاس مــع تكـريـرهـا
سهل تمرير الذنوب إن غاب عنها الجمركي =وصـعـب تبـريـر الخطـايـا لانكـتـب تقـريـرهـا
طيـش عابـر واعتبـرنـا مــن حـيـاة الفذلـكـي=ضــاق بـالـي مــن ليـالـي طالـنـي تقصيـرهـا
وهـذا انـا جيتـك ولـد سامـع مطـيـع لامــركِ =ذكـريـات الامــس دعــوة صالـحـة تطهيـرهـا
سولفي عن طيب أبوي وكيف كـان وحركـي=شيمة اللي مات كيف أصعب ظروف يديرها
اشتـركـنـا بالقـصـيـد وبـالـمـلامـح واتــركــي=باقـي افعالـه عـلـى اليمـنـى بـعـد تشميـرهـا
كـان لـي تكتيـك ذاتـي وهـذي عنـدك تكتـكـي=مايجـي مـن طــاوع امــه بالـرجـال أخيـرهـا
ادري والله نفـسـك انــي مــن جـلالـة قــدركِ =أحـفــظ الـقــرآن كــامــل آيــــة وتفـسـيـرهـا
دوبي أصحى من سباتي والحق آخـر حلمـكِ =واستبـيـح دمــوع مــا يخـفـاك وش تأثيـرهـا
وازرع بـذور استقـامـة بالـزمـان الشربـكـي=واعتـنـي فيـهـا وآخــاف الماضـيـات تثيـرهـا
ساعدينـي بالدعـا وان طـال زرعــي بـاركـي =يمكـن أحمـل مسـك واتـرك للضرايـم كيرهـا
ادخلـي يمـنـاك بـيـن الـعـوج حـتـى تمسـكـي=قـلـب يفـخـر بــك ونـفـسٍ تـفـرح لتحـريـرهـا
انتـي روحـي والضلـوع تـقـوم فـيـك وتتـكـي =بــس اريــد رضــاك يـمـه ويتـغـنـى طـيـرهـا
بـي رجولـة وانتـي انثـى ليـت فينـي بعـضـكِ= والله إن بعـض النسـا تسـوى بـلـد باميـرهـا
لك علي ماجيب علم المـوت منـه اريـح لـكِ =كلمـة انظمهـا قصايـد واقـدر أدهـن سيـرهـا
ياعسى عمرك طويـل وياعسـى عمـري لـكِ =ويا مـن أقسـم بالقلـم والشمـس وبتكويرهـا
أسـألـك لامــي بـهـا الدنـيـا سـعـادة تنـحـكـي =ومـن لهـيـب الـنـار يــا رب العـبـاد تجيـرهـا
شاعر انتـج، لـو تكـون الآه عنـوان الحكـي= مــا تـضـره يمـكـن أنــه مــا لقـالـه غـيـرهـا