قصيدة ياظلال اللي ظلاله صار زائل الشاعر :مهدي العبار العنزي
مكارم احمد بن عبدالعزيز لا يغطيها الشعر ولكنه الحب لسموه
ياسلام الله على راعي الجمايل=الجزيل وكل وقفاته جزيله
احمد الامجاد وكبار الفعايل=موهبه ماهي على مثله دخيله
احمد التاريخ وسلم الاوايل=والعطا والطيب ودروب النفيله
تصغر بعينه عظيمات الجلايل= تنتهي كل الصعاب وتنثنيله
أحمد، احمدلاتغطرس كل عايل= حلمه اكبر والقضايا تنتهيله
السماحه والشهامه والفضايل=تستوي لأبو المكارم تستويله
المروه والزعامة والنفايل=كلها من طيب راسه تنتميله
والتواضع والتسامح والصمايل=والعزوم اللي تقص المستحيله
والشموخ وهيبته والراس طايل=والعداله واللطافه والنفيله
فيك من وصف البحر جود ودلايل=وفيك من وصف الجبل هيبة مقيله
فيك من حكمة عمر عدل وشمايل=وفيك من حاتم عطى اليمنى الطويله
وفيك من عبد العزيز اكبر مثايل=في ثباته في شموخه في صهيله
ياظلال اللي ظلاله صار زايل=من قسى صكات بقعا ترتكيله
ياعوين اللي عليه الوقت مايل=غربله شين الزمان وطال ليله
صرت مابينه وبين العوز حايل=وانت لو حمله كبر حمله تشيله
احمد الخيرات لضعوف العوايل=واليتامى والارامل تدعيله
احمد الوقفات لعيال الحمايل=فاز في كل الكرامه من يجيله
والجموع اللي على قصره تهايل=ذخرهم عن كل ضيم وكل ميله
يحتويهم بالمحبه والجزايل=عزهم عن قسوة الفقر وعويله
غيثهم يشدى هماليل المخايل=ونفسٍ الله عزها ماهي بخيله
ماتتقى ماتعتذر ماتحايل=مانوا تصريفهم وارسل وكيله
احمد اللي للشرف والمجد نايل=كل سكان الجزيره تنتخيله
وانت فخر المملكه شعب وقبايل=سيفهم لاعدوا سيوفا صقيله
ياذخر من ساق للمجد الرحايل=في دروب المرجله جهز فصيله
الزعيم اللي على ظهور الاصايل=حارب انواع الفتن واعلن رحيله
وحد قلوبٍ قبل حكمه غلايل=وصار شعب المملكه كله قبيله
الهدف معروف مابه قول قايل=يرفض افكارٍ على الامه دخيله
حل فيها الخير في شتى الوسايل=وكل من يهوى الفتن طفى الفتيله
مملكتنا ماتركها لكل صايل=والامانه سلمت من تحتريله
للملوك اهل المهمات الهوايل=واصلوا حمل الأمانات الجليله
وفي ختام القول وابداع المثايل=نسأل الرب الكريم وننحنيله
ياعظيمٍ يلتجيبك كل سايل=عبدك يناجيك يامنجي خليله
احفظ الاسلام عن كل الرذايل=واحفظ بلادٍ بها مجد وفضيله
الامير : أحمد بن عبدالعزيز